Presidentja Osmani: Ndërhyrja historike e NATO-s e vulosi të drejtën tonë për liri e pavarësi (VIDEO)

24 Mars, 2022 - 2:26 pm

Sot shënohet 23-vjetori i fillimit të bombardimeve të NATO-s mbi caqet serbe në Kosovë, përcjell KultPlus.

Presidentja Osmani përmes një video-mesazhi në Facebook ka thënë së 23 vite më parë filloi të jetësohet shpresa e popullit tonë për një Kosovë të lirë.

23 vite më parë, filloi të jetësohet shpresa e popullit tonë paqedashës për një Kosovë të lirë. Në këtë përvjetor, shprehim në veçanti mirënjohjen e thellë për rolin e Sekretares Albright, e cila fizikisht na la dje, por do të mbetet përherë fanar ndriques për të ardhmen tonë. Ndërhyrja historike e NATO-s e vulosi të drejtën tonë për liri e pavarësi. Në emër të popullit të Kosovës, të atyre që nuk janë më në mesin tonë, dhe brezave të tërë që do të vijnë pas nesh, ju faleminderit!.“- ka shkruar presidentja Osmani/ KultPlus.com

Të fundit

Të ngjajshme