Protestoi kundër pushtimit në Ukrainë, gazetarja ruse punësohet në Evropë

11 Prill, 2022 - 5:00 pm

Gazeta gjermane ‘Die Welt’ ka punësuar gazetaren ruse Ovsyannikova, 43 vjeç, e cila protestoi kundër pushtimit të Ukrainës nga Rusia, gjatë edicionit të lajmeve në mbrëmje.

E përditshmja gjermane deklaroi se gazetarja ruse do të jetë një korrespondente e pavarur për Die Welt, duke raportuar lajme nga Ukraina dhe Rusia, si dhe do të jetë një bashkëpunëtore e rregullt në kanalin e saj televiziv të lajmeve.

Ovsyannikova, një redaktore në televizionin rus të Channel One, u shfaq në setin e lajmeve të mbrëmjes së saj kryesore Vremya (Time) në mars duke mbajtur një poster që lexonte “No War” në anglisht. Ishte një ngjarje shumë e pazakontë në Rusi, ku media shtetërore kontrollohet rreptësisht.

Pas protestës së saj, ajo u ndalua dhe u mor në pyetje për 14 orë përpara se të lirohej dhe u urdhërua të paguante një gjobë prej 30,000 rubla (280 dollarë).

Por ajo mund të përballet me ndjekje të mëtejshme, duke rrezikuar vite burg sipas ligjeve të reja. / KultPlus.com

Të ngjajshme