займ на карту онлайн потребительский кредит

Qeveria miraton propozimin që muaji nëntor të quhet Muaji i Anton Çetës

30 Tetor, 2020 - 11:22 am

Viti 2020 shënon 100 vjetorin e lindjes dhe 25 vjetorin e vdekjes së prof. Anton Çetës, intelektualit të ndritur, mbledhësit të shquar të folklorit, shkrimtarit të njohur e pajtuesit të palodhur të gjaqeve.

Njëkohësisht, viti 2020 shënon 30 vjetorin e pajtimit të gjaqeve, kthesës historike mbarë popullore në Kosovë e jashtë saj, që i kontribuoi zhdukjes së hasmërive dhe shërimit të shoqërisë shqiptare e pajtimit mes njerëzve.

Me propozimin e Vlora Dumoshit si Ministre e Kulturës, Rinisë dhe Sportit, sot Qeveria e Kosovës miratoi propozimin që muaji nëntor të quhet Muaji i Anton Çetës, të themelohet çmimi “Anton Çeta”, dhe të shënohet muaji si i tillë me një varg aktivitetesh si vijon:

– Përurimi i veprave te Anton Çetës;

– Përurimi i Kullës se Fazli Buqollit ne Raushiq; Investim i Ministrisë së Kulturës, Rinisë dhe Sportit

– Këndi i Anton Çetës – Ekspozitë në Muzeun Kombëtar të Kosovës;

– Emisione Televizive- RTK

Shfaqja e emisioneve dhe dokumentarëve të vjetra dhe punimi i një dokumentari të ri;

– Simpozium shkencor në Prishtinë dhe Tiranë;

– Ekspozitë e fotografive në Prishtinë dhe Tiranë;

– Themelimi i Çmimit “Anton Çeta”. / KultPlus.com

Të ngjajshme