Rama dhe Çeku në takim, diskutojnë për ndërtimin e Sallës Koncertale dhe Muzeut të Artit Bashkëkohor

29 Dhjetor, 2021 - 5:30 pm

Kryetari i Komunës së Prishtinës, Përparim Rama, ka zhvilluar së fundmi një takim me Ministrin e Kulturës, Rinisë dhe Sportit, Hajrulla Çeku, shkruan KultPlus.

Përmes një postimi në llogarinë zyrtare në “Facebook”, Rama ka njoftuar se kanë diskutuar për një varg çështjes të cilat i kanë prioritet si qeverisje komunale.

“Ministrit Çeku i kërkova bashkëpunim për projekte të rëndësishme të kulturës dhe trashëgimisë kulturore, siç janë ndërtimi i Sallës Koncertale dhe Muzeut të Artit Bashkëkohor. Nga ana e tij, ministri Çeku më shprehu mbështetjen dhe përkushtimin për bashkëpunim ndërmjet institucioneve tona”, ka shkruar Rama mes tjerash.

Ndër të tjera, si temë e takimit ishin edhe përgatitjet e përbashkëta për Bienalen Nomade Evropiane, Manifesta, që vitin tjetër vjen në Prishtinë. /KultPlus.com

Të fundit

Të ngjajshme