Rona Nishliu: Lus Shtetin Shqiptar që urgjentisht të pajisë me pasaporta të gjithë kosovarët

26 Prill, 2021 - 2:54 pm

Këngëtarja e njohur nga Kosova, Rona Nishliu ka kërkuar nga Qeveria shqiptare ë urgjentisht t’i pajis kosovarët me pasaporta shqiptare. Ky reagim vjen pas kritikave që u janë bërë kosovarëve të cilët votuan dje për zgjedhjet parlamentare në Shqipëri.

Përmes një postimi në “Facebook”, ajo i lutet qeverisë shqiptare që urgjentisht t’i pajisë me pasaporta të gjithë shqiptarët e Kosovës që kanë dëshirë dhe vullnet të pajisen me dokumentin që iu takon.

KultPlus ju sjell reagimin e plotë të Nishliut:

U kritikuan keq 5,000 kosovarë për votim në Shqipëri! Unë propozoj që shteti ynë amë, Shqipëria, të pajisë secilin shqiptar nga Kosova me pasaportën shqiptare, njejtë siç bën çdo shtet fqinjë për qytetarin e vet, nga Serbia tek Kroacia, Greqia, Mali i Zi, Maqedonia, Bullgaria, etj. Nuk jemi anëtarë në OKB dhe për 20 vjet derën ftyrës nga BE, jemi të izoluar, të pambrojtur dhe pa siguri. Ky do të duhej të ishte diskutimi, e jo pse votuan kosovarët apo KM në Shqipëri! Kur Vucici vjen e mbledh vota e organizon votime në Graçanicë, ju duket normale a po? Lus Shtetin Shqiptar që urgjentisht të pajisë me pasaporta të gjithë kosovarët që kanë dëshirë dhe vullnet të pajisen me dokumentin që iu takon. / KultPlus.com

Të fundit

Të ngjajshme