Shkolla Finlandeze organizon Open Night me prindërit

7 Qershor, 2022 - 12:00 pm

Për të gjithë prindërit e interesuar rreth shkollimit të fëmijëve të tyre në një ambient ndërkombëtar dhe inovativ të mësimnxënies me metodologjinë më moderne të arsimit në botë, atë Finlandeze, Shkolla Finlandeze, së fundmi e pasqyruar në CNN si një nga shkollat më inovative në botë, është duke organizuar eventin Open Night me prindërit e cila do të organizohet më 15 qershor duke filluar nga ora 18:00 në ambientin e shkollës.

Në këtë event të gjithë prindërit e rinj do të kenë mundësinë të shikojnë nga afër sistemin finlandez dhe të njoftohen më detajisht rreth metodave innovative të mësimdhënies në kampusin tonë përmes një prezantimi të bërë nga drejtori finlandez, z. Janne Salmela. Mbrëmja poashtu do të përfshijë një koktej rasti të shoqëruar me muzikë të performuar nga nxënësit tanë dhe ushqim të përgatitur nga nxënësit tanë të talentuar në lëndën ekonomia e shtëpisë.

Për të marrur pjesë në event, të interesuarit mund të aplikojnë për më shumë informata në linkun: https://bit.ly/3zrovhM apo duke kontaktuar në 045 235 650 ose [email protected].

Sot, modeli arsimor finlandez udhëheq në botë si sistemi më i mirë arsimor për shkak të dallimit nga modelet tradicionale të arsimit dhe aplikimit të teknologjive dhe metodologjive më të avancuara dhe moderne të arsimit. Inspiruar nga sistemi i arsimit finlandez, i cilësuar si “mrekulli e arsimit” nga Banka Botërore, Shkolla Finlandeze aplikon metodat më inovative dhe moderne të mësimdhënies në edukimin e nxënësve dhe rritjen e tyre intelektuale, emocionale, dhe shoqërore./ KultPlus.com

Të fundit

Të ngjajshme