Shuhet aktori David Hedison, që luajti në dy filma për James Bondin

25 Korrik, 2019 - 12:01 pm

Aktori amerikan David Hedison, i njohur për rolin e tij në dy filma për James Bondin, ka vdekur në moshën 92-vjeçare. Ai u shfaq në vitin 1973 në filmin me titull “Live and Let Die”, në rolin e Felix Leiter.

Hedison pastaj u kthye 16 vjet më vonë edhe në një vazhdim të titulluar “Licence to Kill”. Ndërkohë, punoi edhe në projekte të tjera.

Ai është gjithashtu i njohur për rolin e tij në filmin fantashkencor “The Fly” nga viti 1958, serinë “Voyage to the Bottom of the Sea” dhe filmat “The Colboy”, “The Love Boat”, “The Fall Guy” dhe “Dinasty” , shkruan KOHA DItore.

Hedison do të mbahet mend si një person shumë pozitiv dhe optimist, i cili shpesh dinte të thoshte se filmat në të cilat ai është shfaqur ishin kryesisht “fotografi që kurrë më nuk dëshiron t’i shohë”.

Vdekja e aktorit u konfirmua nga vajzat e tij Alexandra dhe Serena.

“Babai ynë solli kënaqësi dhe humor kudo që shkoi dhe vdiq me stil të madh”, thanë ato. /KultPlus.com

Të ngjajshme