Skandali i dhunës zbulon se kopshti “Cambridge Kids” nuk ka licencë për punë

12 Shkurt, 2020 - 12:32 pm

Çerdhja “Cambridge kids”, e cila pasditen e së martës, u bë lajm për shkak të dhunës së një prej edukatoreve të ushtruar ndaj një fëmije 2 vjeç, rrezikon të mbyllet.

Zyrtarë të Ministrisë së Arsimit kanë konfirmuar për Gazetën Express se çerdhja “Cambridge kids” në Prishtinë nuk ka licencë.

Madje, ata thonë se ky institucion edukativ nuk ka aplikuar kurrë për një të tillë.

E në raste të tilla, institucioni mbyllet menjëherë.

“Ministria mund të kërkojë ndërprerjen e veprimtarisë edukative”, ka thënë MASHT-i.

Skandali u zbulua nga nëna e fëmijës që shihet në video.

Ajo ka publikuar pamjet e kapura nga kamerat e kopshtit, në të cilat duket qartë se edukatorja Teuta Gashi ushtron dhunë ndaj fëmijës, i cili refuzon të ulet në karrocë. / KultPlus.com

Të fundit

Të ngjajshme