Skiatorja shqiptare, Colturi fiton 4 medalje ari në Kili

12 Gusht, 2022 - 3:54 pm

Sportistja shqiptare Lara Colturi ka fituar 4 medalje ari në garat e skive që ka zhvilluar në Kili.

Ministrja e Arsimit dhe Sportit, Evis Kushi uroi sot sportisten kuqezi duke u shprehur se sportistja ka tejkaluar çdo pritshmëri.

“Sportistja jonë kuqezi Lara Colturi arrin rezultate të jashtëzakonshme në 4 garat e saj që u zhvilluan në Kili. Ajo fitoi 4 medalje ari , 2 në Giant Sllalom dhe 2 në Sllamom, duke tejkaluar çdo pritshmëri nisur nga mosha 16-vjeçare”, u shpreh Kushi në një postim në rrjetet sociale.

“Lara tashmë është në Argjentinë, ku do të zhvillojë 4 garat e rradhës në kuadër të sezonit të Amerikës Latine. I urojmë shumë suksese Laras për këtë përfaqësim dinjitoz të flamurit shqiptar”, theksoi Kushi. /KultPlus.com

Të fundit

Të ngjajshme