займ на карту онлайн потребительский кредит

Sonte të ndizen qirinjë për profesionistët shëndetësor që vdiqën nga Covid-19

20 Gusht, 2020 - 12:10 pm

Janë bërë më shumë se gjashtë muaj prej kur qytetarët e vendit tonë po ballafaqohen me pandeminë COVID-19.

Deri më tani janë shënuar mbi 400 raste fatale, në mesin e tyre edhe punonjës shëndetësor.

Oda e Mjekëve të Kosovës, përmes një njoftimi të bërë në faqen zyrtare ka bërë thirrje që sonte në orën 21:00 në çdo institucion shëndetësor të ndizen qirinjë në ndër të profesionistëve shëndetësor të cilët humbën jetën nga Covid 19.

Po ashtu bëhet thirrje edhe për qytetarët që të sensibilizohen.

Ky është postimi:

Përmes kësaj komunikate Odat e Profesionistëve Shëndetësor bëjnë thirrje institucioneve shëndetësore që sot me datë 20 gusht 2020, në orën 21.00 para çdo institucioni shëndetësor të ndizen qirinjë në nder të profesionistëve shëndetësor të cilët humbën jetën nga Covid 19, si dhe të shërbej si mbështetje të profesionistëve shëndetësor të cilët vazhdojnë luftën kundër Covid 19.

Njëkohësisht bëhet thirrje edhe për të gjithë popullatën që në orën 21.00 të bashkëngjiten në këtë nderim duke fikur dritat për një minutë.

Odat e Profesionistëve Shëndetësor. / KultPlus.com

Të ngjajshme