Stuhia në Britani, bllokohen brenda një pub-i për tre ditë 61 persona

30 Nëntor, 2021 - 1:46 pm

61 klientë të një pub-i në Britaninë e Madhe kanë mbetur të bllokuar për tre ditë brenda tij, si pasojë e stuhisë që ka përfshirë veriun e vendit. Por mes muzikës, pijes dhe ushqimit disa prej tyre u mërzitën që aventura përfundoi me ekipet e shpëtimit që më në fund arritën të hapin derën e bllokuar nga bora, shkruan The Guardian.

Ata kishin ardhur nga vende të ndryshme, duke sfiduar motin, për të dëgjuar një koncert me këngët e Oazis, për të kënduar pak, të hanin diçka dhe të ktheheshin në shtëpi. Por kur koncerti përfundoi 3 metra borë kishte bllokuar derën e pub-it.

Klientët dhe menaxherët nuk e humbën humorin e mirë dhe kur e kuptuan se nuk mund të ktheheshin në shtëpi, sistemuan ambientin për të fjetur me turne. Ditën tjetër kushtet meteorologjike nuk u përmirësuan dhe me muzikë, birrë dhe oxhak të ndezur kaluan dhe 24 orë të tjera. Ekipet e shpëtimit erdhën ditën e tretë, e madje disa u mërzitën që aventura përfundoi./ KultPlus.com

Të fundit

Të ngjajshme