Teatri Kombëtar i Kosovës do të organizojë mbledhje komemorative në kujtim të jetës dhe veprës së aktorit Xhevat Qorraj, i cili vdiq të mërkurën më 23 gusht, përcjell KultPlus.

Në vijim gjeni njoftimin e plotë të TKK-së:

Teatri Kombëtar i Kosovës organizon mbledhje komemorative në kujtim të jetës dhe veprës të aktorit Xhevat Qorraj.

Në këtë rast, ftojmë miqtë, kolegët, familjarët dhe dashamirët e Xhevat Qorrajt të mblidhen të hënen, me 28 gusht 2023, nga ora 12:00 në Amfiteatrin e Teatrit Kombëtar të Kosovës (në Pallatin e Rinisë në Prishtinë).

Teatri Kombëtar i Kosovës do ta kujtojë Xhevat Qorrajn për talentin e tij të rrallë, rolet e tij të shumta, kolegialitetin e tij të pashoq dhe kontributin e tij të pafund në kulturën dhe artin tonë kombëtar./KultPlus.com