Tirana, një nga ndalesat e Manifesta Biennial

11 Tetor, 2021 - 6:15 pm

Ministrja e Kulturës, Elva Margariti priti në një takim Hedwig Fije, themeluesen e Manifesta Biennial.

Gjatë takimit, Margariti dhe Fije biseduan për aktivitetin si dhe shkëmbimin e eksperiencave.

“Me Hedwig Fije, themeluesen e Manifesta Biennial, që stacionin e radhës ka Prishtinën. Një mundësi bashkëpunimi mes artistësh, shkëmbim eksperiencash dhe zhvillimit të një kalendari aktivitetesh, ku Tirana është një nga ndalesat”,  tha Margariti.

Manifesta Biennial është një prej ngjarjeve më të rëndësishme të kulturës dhe artit në Evropë dhe një faktor me shumë rëndësi në zhvillimin e kulturës.

Kosova për herë të parë do të jetë mikpritëse e bienales në vitin 2022. Kjo bienale do të ketë impakt në të gjithë fushat socio-kulturore në Kosovë si në cilësinë e ngritjes së kapaciteteve profesionale të të rinjve kosovarë në art dhe kulturë, hapjen e mundësive të reja të bashkëpunimit me profesionistët ndërkombëtarë, krijimin e mundësive të reja të rimendimit të hapësirave kulturore në Kosovë dhe rivitalizimin e skenës kulturore./KultPlus.com

Të ngjajshme