TKK kujton aktoren Luarasi: Do të mbetet simbol i shprehjes së lire

3 Dhjetor, 2021 - 11:29 pm

Teatri Kombëtar i Kosovës kujton aktoren Edi Luarasi, e cila ndërroi jetë sot, përcjell KultPlus.

Në një postim në Facebook, TKK shpreh ngushëllime në adresë të familjes së saj, komunitetit artistik dhe Teatrit Kombëtar të Shqipërisë.

KultPlus ua sjell postimin e plotë të Teatrit Kombëtar të Kosovës:

Duke e kujtuar aktoren Edi Luarasi, që sot, mori rrugën e përjetësisë!

Do të mbetet simbol i shprehjes së lirë – përkthyer në gjuhën juridike, pushteti diktatorial e kishte përjashtuar nga teatri më 1974, për të organizuar pastaj ajo jetën e saj të mbijetesës, në teatrin e rrobaqepësisë, deri në shembjen e diktaturës dhe ardhjes së demokracisë më 1991.

Teatri Kombëtar i Kosovës, shpreh ngushëllime në adresë të familjes së saj, komunitetit artistik dhe Teatrit Kombëtar të Shqipërisë.

Në shenjë nderimi,

Menaxhmenti i Teatrit Kombëtar të Kosovës./KultPlus.com

Të fundit

Të ngjajshme