Në datat 14-15 tetor në Tiranë mbahet panairi dedikuar turizmit rajonal “Tourism Travel Show Albania”.

Kryeministri Edi Rama u shpreh se ky është panairi më i madh në Shqipëri dedikuar turizmit rajonal.

Ky panair, theksoi Rama do të shërbejë si një kombinim mes prezantimit të turizmit në Ballkan dhe pikëtakim i turoperatorëve nga e gjithë bota në përgatitjen e sezonit të ardhshëm

Ky panair vjeshtor, si një kombinim mes show prezantimi të turizmit në Ballkan dhe event B2B, është projektuar si pika e radhës e takimit për profesionistët dhe blerësit nga e gjithë bota që janë të interesuar për produktin e përbashkët të destinacionit dhe perspektivën e rajonit.

Organizatorët u kanë përcjellë ftesë gjithë operatorëve turistikë, organizatorëve të udhëtimeve në grup, agjentëve të udhëtimit, shërbimeve të hoteleve dhe resorteve, profesionistëve të sektorit të udhëtimeve dhe konsumatorëve të turizmit për të marrë pjesë në eventin Tourism & Travel Tours për të gjetur ide inovatore për të krijuar udhëtime, turne dhe itinerare për vitin e ardhshëm. /atsh / KultPlus.com