Ekipi i vajzave të Kosovës në karate ka fituar medalje të bronztë në Kampionatin Evropian të Karatesë që po mbahet në Yerevan të Armenisë. 

Ato kanë triumfuan ndaj Greqisë të dielën në ndeshjen vendimtare për medalje.

Para këtij suksesi, vajzat kosovare kishin kaluar me sukses përballjet me Armeninë, Spanjën dhe Ukrainën.

Kjo është medalja e dytë e bronztë për Kosovën në këtë kampionat, pas asaj të fituar një ditë më parë nga Betim Maliqi. 

Ekipi përbëhet nga Fortesa Orana, Vlera Qerimi, Behije Mustafa dhe Elmedina Istogu, ndërsa përzgjedhës është Isak Curri.