Vdes Fahri Buçinca, njeriu që jetën ia kushtoi emancipimit dhe shkollimit të gruas shqiptare

18 Mars, 2021 - 1:54 pm

Ka vdekur sot veterani i arsimit Fahri Buçinca, shkruan KultPlus.

Lajmin e ka bërë të ditur këngëtari Ledri Vula, njëherit nipi i Buçincës.

Duke publikuar një imazh në prehrin e gjyshit, Ledri shkroi: Kurr ma ne prehnin tond gjysh.

Fahri Bucinca dhe bashkëshortja e tij Naxhije Buçinca njihen si çifti që pjesën më të madhe të jetës së tyre ia kushtuan emancipimit dhe shkollimit të gruas shqiptare. Madje edhe në ditët më të vështira kur populli shqiptar ishte i shtypur nga pushtuesit serb, ata u fokusuan në gjetjen e vajzave që nuk lejoheshin nga kryefamiljarët të shkonin në shkollë.

Për të nderuar kontributin e tyre dhënë në fushën e arsimit dhe në emancipimin e gruas, komuna e Vushtrrisë, Qendrës Rinore të Qytetit ia ka dhënë emrin “Naxhije e Fahri Buçinca”, çifti që dha aq shumë nga vetja për qytetarët e kësaj komune. / KultPlus.com

Të ngjajshme