Viola von Cramon: Lajme të mira për Kosovën sa i përket luftës kundër korrupsionit

25 Janar, 2022 - 3:15 pm

Kosova ka shënuar progresur duke u ngjitur 17 vende në krahasim me vitin e kaluar në indeksin e perceptimit të korrupsionit, shkruan KultPlus.

Raportuesja për Kosovën në Parlamentin Evropian, Viola Von Cramon e ka quajtur si shpërblim të vogël për të gjithë në Kosovë.

“Me të vërtetë lajme të mira për Kosovën sa i përket luftës kundër korrupsionit dhe krimit të organizuar. Kosova ka lëvizur lartë për 17 vende në indeksin e perceptimit të korrupsionit. Shpërblim i vogël për të gjithë në Kosovë”, ka shkruar Von Cramon në “Twitter”.

Për këtë arritje ka pasur një gëzim edhe nga Amabasada e Francës në Kosovë dhe gjithashtu ambasadori gjerman,  Jorn Rogde.

Indeksi i Perceptimit të Korrupsionit (CPI) është renditja globale e korrupsionit më e përdorur gjerësisht në botë, e së fundmi Kosova ka shënuar rritje në luftën ndaj korrupsionit. /KultPlus.com

Të fundit

Të ngjajshme