10 libra të frikshëm që duhet të lexoni para Hallouinit

28 Tetor, 2020 - 8:55 pm

Librat që të kallin datën, libra të shkruar nga mjeshtër të horrorit dhe tmerrit, porse në brendësi të tyre përmbajnë njëlloj bukurie. Nga Stephen King tek Oscar Wilde dhe Tana French, këta janë autorët që kanë frymëzuar romancierin australian Gabriel Bergmoser, i cili ka bërë një klasifikim të librave që duhen lexuar medoemos para Hallouinit, libra që shkaktojnë më shumë se, thjesht tronditje dhe frikë.

Për aq sa horrori është një gjini letrare, po aq është edhe një teknikë; një mënyrë për t’u përballur ose për të eksploruar diçka reale, duke e çuar audiencën në ekstremet e mundshme. Kur isha i vogël, më tmerronin filmat horror, derisa një ditë arrita ta përfundoj njërin dhe mandej nuk ngopesha së pari. Në të vërtetë, ajo që spikaste te fakti që më pëlqente kaq shumë te filmat dhe librat që unë i doja, ishte se shpeshherë aspekti i tmerrshëm ishte vetëm një pjesë e asaj që e bënte historinë të veçantë. Në mendje, tmerri më i mirë ishte krejt tjetër gjë, sesa thjesht frikësimin, si rrjedhojë zgjodha një mënyrë për ta përdorur frikën për të eksploruar çfarëdo që të ishte ajo diçka. Teksa shkruaja “Gjuetia”, kisha si qëllim ta çoja audiencën në një udhëtim të brendshëm emocionues, të mbushur me rropulli, por përtej kësaj doja të thosha edhe diçka tjetër: për Australinë, për maskilitetin, për frikën./Konica.al/ Shpresoj t’ia kem dalë mbanë, gjithsesi janë lexuesit ata që do të vendosin, por personalisht po citoj 10 prej librave që shërbyen si burim frymëzimi, histori horrori, që në një mënyrë a tjetër revolucionarizuan zhanrin, duke qenë shumë më tepër sesa thjesht luhatje frike në errësirën e natës:

  1. “Dragoi i Kuq” nga Thomas Harris.
  2. “Portreti i Dorian Greit” nga Oscar Wilde.
  3. “Brirët” nga Joe Hill.
  4. “Ekzorcisti” nga William Peter Blatty.
  5. “Unaza” nga Koji Suzuki.
  6. “Psiko” nga Robert Bloch.
  7. “Kalimi” nga Justin Cronin.
  8. “Mjerimi” nga Stephen King.
  9. “Nga Ferri” nga Alan Moore dhe Eddie Campbell.
  10. “Brenda pyjeve” nga Tana French./ KultPlus.com

Të fundit

Të ngjajshme