Arrestohet mësuesi i cili goditi nxënësin në Malishevë

8 Mars, 2019 - 11:07 pm

Së fundi në rrjete sociale ka qarkulluar një video ku shihet një mësues për të cilin është pohuar se është nga Malisheva duke goditur një nxënës. I njëjti sipas raportit të policisë pas intervistimit është dërguar në mbajtje.

Policia përmes raportit 24 orësh njofton se personi i dyshuar ka përfunduar në pranga. Kjo është konfirmuar për lajmi.net nga zëdhënësja e Policisë së Gjakovës, Lirie Podrimaj. Ajo ka bërë të ditur se i dyshuari është ndalur për 48 orë. Për arrestimin e tij është  bërë e ditur përmes raportit 24 orësh.
“Keqtrajtim gjatë ushtrimit të detyrës zyrtare ose autorizimeve publike. Është arrestuar i dyshuari mashkull K/Shqiptar i cili përmes disa video incizimeve të publikuara në rrjete sociale është parë duke e keqtrajtuar një person. I dyshuari pas intervistimit me vendim të prokurorit, është dërguar në mbajtje”, thuhet në raportin e Policisë./ KultPlus.com

Të fundit

Të ngjajshme