Revista “Shêjzat” në bashkëpunim me Fakultetin e Inxhinierisë së Ndërtimit të Universitetit të Prishtinës dhe Universitetin Politeknik të Tiranës organizon me 13 mars 2024 në Prishtinë, pranë ambienteve të FIN një ditë studimi me rastin e 50-vjetorit të vdekjes së Gjovalin Gjadrit.

Sesioni I “Vepra Shkencore dhe Inxhinierike” i kushtohet aktivitetit profesional të inxhinier Gjadrit dhe nis në ora 10:00 – 12:00. Në këtë sesion, me kumtesa do të paraqiten: N. Pojani, M.Minsini, M. Baballëku, G. Struga, F. Dhima, R. Alite dhe B. Morava.

Ndërsa në sesioni II “Vepra Letrare dhe Patriotike”, që nis në ora 13:30-15:30, do t’i kushtojë vëmendje aktivitetit të tij letrar.

Në këtë kuadër do të mbahen kumtesat e më poshtme:

Ardian Ndreca
“B2” drama e panjohun gjermanisht e Gjovalin Gjadrit.

Albulena Blakaj
Pesha e gjuhës dhe kulturës gjermane në krijimtarinë e Gjovalin Gjadrit.

Jovan Basho
Gjovalin Gjadri dhe e përkohshmja “Dialeria” e Vjenës.

Ndue Ukaj
“Letra grues sene të vdekun” një monument letrar për dashuninë e dhimbjen. / KultPlus.com