Dua Lipa e kujton me krenari gjyshin e saj, Seit Lipën

17 Mars, 2018 - 9:29 am

Dje KultPlus ka shkruar për Seit Lipën, gjyshin e Dua Lipës.

Drejtor i Institutit të Historisë, Seit Lipa ndërroi jetë në vitin 1999.

Duket se Dua mund ta ketë parë fotografinë e një prej kopertinave të librave që i ka shkruar Seit Lipa dhe sot ajo në Instagram ka treguar sa krenare është me një gjysh të tillë, i cili dha kontribut për historinë dhe kulturën shqiptare.

“Gjyshi im Seit Lipa ishte Drejtor i Institutit të Historisë në Kosovë, në mes të viteve 1990-1995. Të ju tregojmë njerëzve prej kah jemi është në gjakun tonë, dhe unë vetë gjithmonë e potencoj që jam prej Kosovës. Ne kemi një histori të mahnitshme, ndërsa unë çdo ditë mësoj diçka të re për të. Një shkrim së fundmi tregon për punën e gjyshit tim dhe u mbusha plot krenari, prandaj desha ta shpërndaj këtë lajm me ju” ka shkruar Dua Lipa.

Dua kësisoj ka lexuar tekstin e botuar në KultPlus gjatë ditës së djeshme, mbi Seit Lipën, këtë figurë të madhe të historisë dhe kulturës shqiptare, sidomos në një kohë kur në Kosovë regjimi nuk lejonte frymëmarrje për njerëz dhe intelektualë të kalibrit të tillë. / KultPlus.com

Të ngjajshme