Edi Rama: Me vdekjen e Demaçit mbyllet historia e jashtëzakonshme e një rebeli të llojit më të rrallë

26 Korrik, 2018 - 8:45 pm

Veprimtari i çështjes kombëtare, dhe ish i burgosuri politik, Adem Demaçi, ka vdekur sot.

Per vdekjen e tij kanë shprehur pikëllim edhe figurat politike, ndër ta edhe kryeministri i Shqipërisë, Edi Rama.

“Me vdekjen e Adem Demaçit mbyllet historia e jashtëzakonshme e një rebeli të llojit më të rrallë; shqiptar i llojit më të mirë, burrë i llojit më të veçantë, mik i llojit më të lartë. 🙏Pas një jete prej stuhie pambarim, ai u tret ngadalë e iku si zotnia që i tha të gjitha #RESPEKT”, ka shkruar Rama në Facebook.

Ceremonia për varrimin e Demaçit do të mbahet të shtunën dhe do të jetë me ceremoni shtetërore.

Kurse, gjatë ditës së nesërme është paraparë që nga ora 12:00 të këtë homazhe në Tetarin Kombëtar të Kosovës.

Demaçi ka vdekur në shtëpinë e tij, në moshën 82-vjeçare./KultPlus.com

Të fundit

Të ngjajshme