Instituti për Mbrojtjen e Kulturës Shqiptare ka nderuar kësisoj sot shkrimtaren Erenestina Gjergji Halili.

Për ruajtjen e kulturës gege dhe toskë dhe për magjinë e shkrimeve të saj, Erenestina është nderuar me Pendën e Kristaltë, për vëllimin “Bibulz – Për ma t`parën lule t`kopshtit tem”.

“Drita sot paska çilë ndrysh! Me nderon ky çmim e vëmendja juej!
Ju falem nderës!” ka shkruar Erenestina Gjergji Halili në rrjetet sociale kur ka marrë vesh për nderimin që i është bërë.

Çmimi në fjalë për shkrimtaren vjen nga Vjena, nënshkruar nga Gjergj Jozef Kola dhe Hans-Joachim Lanksch, shkruan KultPlus.

“Bibulz”, është libri i një viti heshtje mediatike, por pune krijuese. Sa duket Erenestina, ka preferuar vetminë në laboratorin e vet krijues dhe ka shënuar objektin e saj në agjendë. Gjithë vëllimi i saj poetik është një intertekst, në kuptimin që i jep Bart, ajo e mbështet idenë e saj poetike, kumtin e fjalës dhe ligjërimin poetik, në paratekstin biblik.

Stuktura e librit është trinia, ajo e madhja dhe ajo e Erës e kontekstualizuar. Është Ati, Biri, Shpirti, të tretë Erës, po Era është Nânë, kështu i nis edhe libri, si nânë që takon Atin (poezia e parë e Ciklit të parë), si nânë që shkon te Biri e bashkëbëjnë Shpirtin. / KultPlus.com