Gati me të rrahura, miratohet Ligji për Gjuhën Shqipe në Maqedoni

14 Mars, 2018 - 5:27 pm

Me 64 vota pro dhe asnjë kundër, në Kuvendin e Maqedonisë u miratua Ligji për Gjuhët, në një seancë që zgjati shumë por pati edhe tension e dramë.

Deputetët e partisë së udhëhequr nga Nikolla Gruevski, VMRO-së, tentuan që të pengojnë sjelljen e këtij Ligji, por nuk arritën që të pengojnë që i njëjti të hidhet në votim.

Paraprakisht situata brenda kuvendit ishte e tensionuar përderisa kryeparlamentari hapi debat për ligjin e gjuhëve.

Nikolla Gruevski shkaktoi incident verbal ndaj kryeparlamentarit Talat Xhaferi. Por, përplasja fizike mes tyre u evitua nga sigurimi i Kuvendit.

Ligji për Gjuhët është një premtim elektoral i kryeministrit të Maqedonisë, Zoran Zaev dhe koalicionit qeverisës në të cilin bëjnë pjesë edhe partitë shqiptare. / KultPlus.com

Të ngjajshme