Shkrimtari i njohur Ismail Kadare ka marrë sot në Itali në një ceremoni zyrtare çmimin letrar Nonino.

Shkrimtari e ka pranuar sot çmimin në Udine të Italisë, në praninë e njerëzve të letrave dhe atyre që e dashurojnë letërsinë e Kadaresë.

Çmimi Nonino 2018 iu dha edhe filozofit italian Giorgio Agamben, krijues i konceptit “Homo Sacer”, qenie njerëzore jeta e të cilit është e shenjtë.

Ismail Kadare, shkrimtar i madh i letrave shqipe dhe jo vetëm , kandidat i çmimit Nobel në letërsi, lindi më 28 janar të vitit 1936 në Gjirokastër. Nga “Gjenerali i ushtrisë së vdekur”, që e bëri të njohur në gjithë botën, në “Daullet e shiut”, veprat e tij më të zhytura në natën e legjendës ballkanike janë , “Kush e solli Doruntinën” apo “Ura me tri harqe” apo ato me frymëzime të së tashmes si “Tri këngë zie për Kosovën”. / KultPlus.com