займ на карту онлайн потребительский кредит

Jetmir Memedi, i pari në mesin e 48 këshilltarëve në “Helvetia”

Prill 14, 2019 - 7:45 pm

Në vitin 2010 ka migruar në Zvicër për bashkim familjar. Dy vjet më vonë ka filluar të punojë si ndërmjetësues i sigurimeve, ndërsa në vitin 2015 ka hapur biznesin e tij me emrin “sanaprotect GmbH” .

Dihet që zviceranët nuk i lënë asgjë rastësisë dhe kur bëhet fjalë për sigurinë, pothuajse çdo gjë e rregullojnë paraprakisht. Prona, pasuria, sigurimet e jetës dhe të pensionit shëndetësor, janë shtylla të forta që i garantojnë qytetarëve të këtij vendi një jetë cilësore. Mirëpo, për të gjitha këto, ata u paguajnë para të majme kompanive të shumta të sigurimeve që operojnë në Zvicër.

Megjithatë kjo nuk u garanton kompanive të sigurimeve klientë të sigurt e lehtë të arritshëm, pasi që numri i kompanive që ofrojnë këto shërbime është i madh dhe i shtrirë në tërë Zivcrën. Lufta mes kompanive, sidomos atyre të mëdha, për të fituar klientë, është e pakompromis dhe të punosh në Zvicër në lëmin e sigurimeve nuk është aspak e lehtë. Në këtë vend ka një konkurrencë të madhe mes kompanive të sigurimeve që joshin klientët me oferta lukrative.

Përkundër kësaj, shqiptarët edhe në këtë biznes kanë hisen e tyre dhe i perziejnë kartat e sigurimeve, shpesh me rezultate tejet pozitive. E njëri ndër ta është i riu Jetmir Memedi, i cili ka pak vjet që jeton në Zvicër, por ka krijuar një emër të respektuar në Lucern me kompaninë e tij “sanaprotect”. Djaloshi 31-vjeçar vjen nga Forina e Gostivarit dhe është i diplomuar në Universitetin Fon-Shkup, në drejtimin e kriminalistikës. Emigrimi në Zvicër e ka shtyrë atë të fokusohet në një profesion krejt tjetër, gjë që Jetmiri ia ka dalë me sukses. Dy vjetët e para të ardhjes në Zvicër Jetmiri ka ndjekur kurse intensive të gjuhës gjermane dhe paralelisht është integruar në shoqërinë zvicerane, duke krijuar një rreth të gjerë të miqve zviceranë.

„Si çdo profesion që i ka vështirësitë e veta, edhe ky ka sfida, që kërkojnë përkushtim, seriozitet e angazhim jo 100%, por 200%. Për shkak se duhet të konsultohesh mirë e qartë me çdo klient. Klientët kërkojnë një sigurim që u përshtatet interesave të tyre dhe ne duhet ta ofrojmë ashtu si e kërkojnë ata, pa i manipuluar, duke u ofruar sigurim të mirë me produkte që u hyjnë në punë apo mund t`i shfrytëzojnë dhe jo me produkte që nuk u hyjnë në punë“, thotë drejtuesi i kompanisë “sanaprotect”, Jetmir Memedi.

„Ne si kompani kemi në radhë të parë si prioritet cilësinë e sigurimit, shërbimin dhe vetëm pastaj kalkulojmë çmimin. Kjo është përgjigjja që ne u japim klientëve që kërkojnë e janë të koncentruar vetëm në sigurim më të lirë“, tregon drejtuesi i kompanisë, Memedi, dhe vazhdon, „Unë si Jetmir Memedi kurrë nuk u ofroj çmime klientëve të mi, por vetëm kualitet dhe gjithmonë jam në dispozicion të tyrë në çdo kohë dhe për çfarëdo konsultimi“.

Por si ka filluar Jetmiri të punojë me kompani sigurimesh? Në vitin 2010 ai ka emigruar në Zvicër për bashkim familjar. Dy vite më vonë ka filluar të punojë si ndërmjetësues i sigurimeve për një periudhë trivjeçare.

Në vitin 2015 është bërë i pavarur duke hapur biznesin e tij të ndërmjetësimit me emrin “sanaprotect GmbH”, të cilën e drejton bashkë me të shoqën Letafete Memedi. Ata i ndajnë detyrat -Jetmiri kujdeset për sigurimin e klientëve të rinj, kurse Letafetja kujdeset për tatimet dhe financat e firmës. „Në fushën e ndërmjetësimit të sigurimeve jemi përplot 8 vite dhe kemi 4 vite që kemi kompaninë tonë GmbH. Krahas ofertave të sigurimit, bëjmë edhe mbushjen e tatimeve“, shpjegon Memedi për albinfo.ch

Ai ka një bashkëpunim të gjerë me kompani të mëdha sigurimesh të mëdha dhe si ndërmjetësues ka arritur rezultate të shkëlqyera duke bashkëpunuar ngushtë me kompani si „Generali“, „Helvetia“, „Basler“, „Allianz“, „Die Mobiliar“, „Helsana“, „Visana“, „Concordia“, „Groupe Mutuel“ dhe „CSS“.

„Në vitin 2018 unë kam dalë fitues në mesin 48 ndërmjetësuesve që i ka Helvetia me “Special Agentin” Herbert Haas, në Lucern. Kam shitur më së shumti produkte të kësaj kompanie”, tregon  Jetmiri për vlerësimin që i kanë dhënë drejtuesit e sigurimit “Helvetia”.

Sekreti i punës së tij është sinqeriteti me klientë. “Jem në çdo kohë në dispozicion të klientëve dhe kjo më bën të besueshëm tek klientët, të ma kthejnë me besim, duke ardhur tek unë.“ 

Sigurimit shëndetësor i obliguar dhe ai alternativ

Në Zvicër, sigurimi shëndetësor përbëhet nga sigurimi bazë i detyrueshëm dhe sigurimet tjera shtesë, të cilat mund të zgjidhen lirisht. Sigurimi bazë i detyrueshëm për të gjitha sigurimet shëndetësore në Zvicër, gjithnjë e më shumë mbulon të njëjtat përfitime, sepse ato përcaktohen dhe përshkruhen nga ligjvënësi.

Dëshironi një konsultim juridik?

Nëse nuk ka zgjidhje të shpejtë për çështjet ligjore dhe mosmarrëveshjet midis dy palëve, mosmarrëveshjet jo vetëm që do të kushtojnë shumë kohë dhe nerva. Sigurimi i shpenzimeve tuaja ligjore ju siguron qasje në këshilla juridike kompetente dhe ju mbron nga ngarkesa financiare të paparashikuara për raportet e ekspertëve dhe shpenzimet ligjore. Me ne, e drejta juaj ka një shans.

Doni një konsultim për veturën tuaj?

Rreziqet e jetës moderne përfshijnë dëmet dhe problemet që lëvizshmëria sjell me të. Këto përfshijnë aksidente që përfshijnë njerëz ose përdorues të tjerë të motorizuar të rrugëve, dëmtime parkimi dhe veprime të tjera që mund të çojnë në dëmtime të makinave. Një aksident mund t’ju çojë shpejt në një situatë që mund të kërcënojë ekzistencën tuaj financiare. Për t’u mbrojtur kundër kësaj, sigurimi i automjeteve motorike është e vetmja rrugë. Nëse rezulton se statusi aktual i sigurimit të makinës tuaj nga njëra anë nuk i plotëson nevojat tuaja ose çmimi tjetër nuk përputhet me burimet tuaja financiare, ne do të jemi të lumtur t’ju bëjmë një ofertë që përshtatet në mënyrë optimale për ju.

Dëshironi këshilla indiviuale për tatimin dhe pronën tuaj?

Tatimi përbën pjesën më të rëndësishme të çdo plani financues, ngase pikërisht tek deklarimi i tatimit shpesh dhurohen para pa nevojë.  Për fat të keq, shumë qytetarë në Zvicër nuk janë në dijeni se sa e rëndësishme është të përfshihen taksat në planifikimin individual financiar! Në Zvicër, tatimi paguhet në çdo kanton. Për këtë arsye, është e rëndësishme të gjesh të gjitha përfitimet dhe mundësitë për kursim. Ne në sanaprotect GmbH Agentur Schweiz jemi ekspertë në të gjitha llojet e taksave, prandaj ne jemi gjithmonë në gjendje t’ju njoftojmë për të gjitha mundësitë e kursimit të taksave dhe të gjitha përfitimet e tjera./ Albinfo.ch/KultPlus.com

Të ngjajshme