займ на карту онлайн потребительский кредит

Letra e fundit e Dritëroit për Sadijen: Mbase do të jetë hera e fundit… (FOTO)

6 Korrik, 2017 - 12:53 pm

Dritëro dhe Sadije Agolli i kalonin pushimet çdo verë në Pogradec. Dashurinë e tij për këtë vend dhe njerëzit e këtij vendi ai e kishte shprehur në raste të shumta, shkruan KultPlus.

Në një letër të fundit drejtuar së shoqes, ku vërehet një shkrim ndryshe nga dora e dridhur e një të moshuari, ai shkroi fjalët më të ëmbla dhe i premtoi Sadijes pushimet e bukura në Pogradec.
E bija e çiftit, Elona Agolli, ka publikuar imazhet e dy letrave ku Dritëroi shkroi për pushimet e ardhshme që do t’i bënte me të shoqen, e që këtë premtim ai nuk arriti ta mbante.

Shënim “i herës së fundit “, shkruan e bija e Dritëros duke publikuar kështu edhe fotografitë e letrave.

“Në verë do të shkojmë në një hotel buzë liqenit . Atje do të ndjekim me sy pulëbardhat që shpërndahen e bashkohen mbi cipën e kaltërt , duke formuar një lule të bardhë të madhe , që zhduket e shfaqet , që shpërbëhet dhe bëhet përsëri mes thirrjesh të sinqerta gëzimi . Ne, dy pleq të ulur në ballkon , do t’i ndjekim me sy këto qënie të bardha duke psherëtirë. Pak kohë na ka mbetur, ta soditim këtë mrekulli ! Mbase do të jetë hera e fundit …”, ka shkruar Dritëro në letrën e fundit drejtuar të shoqes Sadijes.
Dritëroi u nda nga jeta në shkurt të këtij viti në moshën 85-vjeçare, pas një sëmundjeje të rëndë. / KultPlus.com

Të ngjajshme