Lidhja e Shkrimtarëve të Kosovës ka mbajtur sot akademi letrare për veprimtarin e shquar Adem Demaçi.

Biblioteka kombëtare “Pjetër Bogdani” ishte vendtakimi i shumë shkrimtarëve dhe personaliteteve të shquara kosovare për të kujtuar e nderuar veprimtarin e çështjes kombëtare, Demaçi.

Shyqri Galica, kryetari i Lidhjes së Shkrimtarëve të Kosovës, hapi akademinë me një minutë heshtje për të vazhduar më pas me një jetë përshkrim të shkurtër për ikonën e rezistencës kombëtare. Galica përshkroi me fjalë të mëdha heroizmin, atdhedashurinë, urtësinë, guximin dhe sakrificën e shkrimtarit, tashmë të ndjerë, Demaçi.

akademi kishte edhe karakter garues, pasi që u zgjodh punimi/poezia më e mirë kushtuar “Mandeles shqiptar”. Me këtë rast, autorët e 30 poezive më të mira lexuan punimet/poezitë e tyre, të cilat konkurruan për punimin më të mirë. / KultPlus.com