Me 14 gusht, mbrëmje poetike për Burbuqe Rushitin

10 Gusht, 2019 - 6:56 pm

Para pak ditësh u nda nga jeta gazetarja dhe poetja Burbuqe Rushiti.

Të mërkurën, me datë 14 gusht, po e kujtojmë punën e Burbuqe Rushitit me anë të një nate poetike ku do të lexohen pjesë nga krijimtaria e saj dhe do të kujtohen momentet më të mira të jetës së Burbuqes.

Ilire Zajmi – shkrimtare, Anisa Ismajli – aktore, Shukrije Gashi – shkrimtare dhe Sibel Halimi – sociologe dhe poete do të lexojnë disa prej pjesëve më të mira letrare të Burbuqe Rushitit.

Të gjithë ata që e njohën dhe e çmuan punën e Burbuqe Rushitit janë të ftuar ta kujtojnë këtë grua plot botë, në formën e tyre.
Burbuqja ka punuar disa vjet në ish Radio Televizionin e Prishtinës, në Redaksinë e Kulturës, ndërsa më pas ishte korrespodente e disa mediave në Turqi përfshirë edhe televizionin NTV. Burbuqja është marrë edhe me përkthime në prozë dhe në poezi, si dhe me kritikë letrare.

Mbrëmja do të fillojë në ora 20:00 në KultPlus Caffe Gallery (Rruga Isa Boletini, Soliteri 3/2-1, te Fontana në Ulpianë, Prishtinë).

Nëse keni problem ta gjeni lokacionin, na telefononi në 049 119600 dhe 049 137250

Të fundit

Të ngjajshme