Miqësia e njomë mes Azem Shkrelit dhe Ismail Kadaresë

10 Shkurt, 2018 - 7:03 pm

Sot shënohet 80-të vjetori i lindjes së Azem Shkrelit.

Kush i ka lexuar poezitë e Shkrelit, është dashuruar në to. Ai që nuk i ka lexuar, ka humbur shumë. Shpirti i asaj që ka lexuar fjalët e Shkrelit, është shkrirë i kënaqur.

Ismail Kadare do të nderohej para pak kohësh me çmimin që mban emrin e këtij shkrimtari.

Shkreli do të ishte organizatori kryesor i udhëtimit të shkurtër të shkrimtarit Ismail Kadare në Kosovë në vitin 1980, një udhëtim që do të linte mbresa te shkrimtari për vetë ndjesinë që të jepte shkelja në gjysmën tjetër të hapësirës shqiptare, sidomos në ato vite. Shëtitjet në Prishtinën e atyre viteve, bisedat në kafene që zgjasnin gjatë, nuk do të shlyheshin shpejt nga kujtesa e Kadaresë. Dhe pse pak ditë ai do të mund të njihte nga afër ambientin kosovar, sidomos Prishtinën.


Romani i tij “Krushqit janë të ngrirë” do të merrte shkas nga kjo vizitë që do ta kristalizonte më mirë idetë për Kosovën për shkrimtarin. Vitet ’80 ishin vitet e një përballjeje të inteligjencës kosovare me pushtetin e egër.

Në një analizë që i bën romanit “Krushqit janë të ngrirë”, shkrimtari Mehmet Kraja shkruan se Kadare i ka shndërruar në personazhe miqtë e tij poetë Esat Mekulin dhe Azem Shkrelin. / KultPlus.com

Të fundit

Të ngjajshme