Ramush Haradinaj uron Ismail Kadarenë në 82 vjetorin e lindjes

28 Janar, 2018 - 12:14 pm

Sot feston datëlindjen shkrimtari i madh shqiptar Ismail Kadare. Me këtë rast, kanë nisur urimet edhe nga politikanët shqiptarë, shkruan KultPlus.

Ndër ta është edhe kryeministri i Republikës së Kosovës Ramush Haradinaj, i cili ndër të tjera në këtë urim, ka thënë se dëshiron që Ismail Kadare lexuesve t’i japë ende perla nga arti i tij i madh letrar.

“I dashur Ismail Kadare,
Me rastin e ditëlindjes Suaj të 82-të, pranoni urimet e mia të ngrohta për shëndet të mirë.
Dëshiroj që lexuesit t’i japësh ende perla nga arti Yt i madh letrar, kurse familjes shumë dashuri e ngrohtësi.
Vepra Juaj madhore do t’i mbijetojë shekujt, kurse fjala Jote e fuqishme në mbështetje të kauzës së lirisë së Kosovës do t’u shërbejë brezave si kujtesë se nuk ishim vetëm.
I dashur Kadare,
Urime datëlindja dhe festofsh edhe shumë të tjera, i rrethuar me familjen, miqtë dhe librat.
RH”, ka shkruar Haradinaj./ KultPlus.com

Të fundit

Të ngjajshme