Sot hapet Panairi i Librit 2022, marrin pjesë rreth 100 botues

7 Qershor, 2022 - 8:52 am

Botues nga Kosova, Shqipëria, Maqedonia e Veriut dhe Diaspora do të prezantojnë botimet e tyre në Panairin e Librit në Prishtinë, që këtë vit shënon edicionin e 22-të, shkruan KultPlus.

Ky Panair kishte pas një shkëputje për dy vjet, si pasojë e pandemisë Covid 19-të, por këtë vit do të shënojë rikthimin me rreth 100 botues.

Panairi i Librit do të hapet në ora 12:00 në Pallatin e Rinisë, e që organizohet nga Shoqata e Botuesve të Kosovës e që është mbështetë nga Ministria e Kulturës, Rinisë dhe Sporteve.

Pas ceremonisë kryesore, Panairi i Librit në ditët në vijim do të jetë i hapur prej orës 9:00 deri në orën 20:00./ KultPlus.com

Të fundit

Të ngjajshme