Tri yje shqiptare në konkurrim në MTV’s Video Music Awards

20 Gusht, 2018 - 9:45 pm

MTV’s Video Music Awards do të rikthehet sonte në Radio City Music Hall, në New York.

Në eventin më të madh muzikor, yjet e muzikës do të jenë në garë për rrëmbimin e çmimeve. Midis tyre, këtë vit do të jenë edhe tre këngëtare shqiptare: Rita Ora, Bebe Rexha dhe Dua Lipa.

Dua Lipa është nominuar në 3 kategori. Kënga e saj “New Rules” është nominuar për këngën e vitit, “IDGAF” për koreografinë më të mirë dhe “One Kiss” për kërcimin më të mirë.

Rita Ora është nominuar në 2 kategori. Ajo do të konkurrojë me Dua Lipën në kategorinë e kërcimit më të mirë me këngën e saj “Lonely Together”. Ora është nominuar edhe në kategorinë me efektet më të mira vizuale, përsëri me këngën “Lonely Together”, që e ka realizuar në bashkëpunim me Aviciin.

Ndërsa Bebe Rexha është nominuar vetëm në një kategori, atë të bashkëpunimit më të mirë me këngën “Meant to Be”, me Florida Georgia Line.

Ceremonia e ndarjes se çmimeve do të fillojë në orën 21:00, me pjesëmarrjen e këngëtareve si Cardi B, Ariana Grande dhe Jennifer Lopez./ dita

Të fundit

Të ngjajshme