займ на карту онлайн потребительский кредит

Astrit Stafa, fenomen i instrumenteve kordofone

Gusht 1, 2017 - 7:57 pm

Astrit Stafai është mjeshtër virtuoz i instrumenteve me tela, kordofone. Është njohës i muzikës në përgjithësi, i stileve dhe zhanreve të ndryshme muzikore. Ai luan profesionalisht në ud, saze të ndryshme, buzuk, kitarë etj.

Astriti përveç që luan muzikën tradicionale që u takon këtyre instrumenteve, ai përdorë teknika të ndryshme dhe përshtat profesionalisht këto instrumente në muzikën tonë tradicionale popullore shqiptare. Pra, ai bënë një miks të një vije melodike shqiptare duke shkrirë teknikat e performimit të instrumenteve si: udi, sazi, kitara, bukuzu etj. Gjithashtu ai, ka shkrirë edhe teknikat e muzikës xhaz në muzikën tonë shqiptare. Stafai në një mënyrë është munduar që me këto teknika performimi, me këto mikse të prezantoj muzikën tonë tradicionale në vende të ndryshme të botës.

Udi si instrument në Kosovë është përdorur në këngët gjakovare, mirëpo është luajtur në stil sharkie apo siç thotë populli “në kajde t’sharkisë” nga udistët të cilët nuk kanë qenë profesional. Por, Astriti ka bërë studim shumë më të thellë, shumë më profesional dhe në këtë mënyrë ai ka sjell një stil të ri, një frymë të re muzikore tradicionale shqiptare. Me të gjitha këto risi në performim Astriti mori shumë duartrokitje nga publiku dhe u bë i veçantë si instrumentist në trojet tona. Një gjë duhet pasur parasysh se Astriti nuk e ka sjellë muzikën orientale tek ne, ajo ka qenë prezente gjithmonë, por ai gërshetoi dhe përshtati instrumentet orientale në muzikën tonë tradicionale.

Përveç muzikës tradicionale, Astriti është aktiv dhe performues i muzikës artistike serioze. Ai luajti në premierën e veprës koncerto për lahutë dhe për orkestër të konpozitorit Hajrullah Syla, gjithashtu performoi në koncerte të profileve të ndryshme me kitar, ud etj. Karakteristikë tjetër e veçantë e Astritit është se ai performoi me lahutë edhe këngë barokiene kryesisht të Monteverdit, Vivaldit dhe pjesë nga Bahu. Kjo është një veçori që rrallë mund të hasim edhe në mbarë botën. Përveç kësaj Astriti ka pasur koncerte edhe të zhanrit etnojaz (miks të muzikës tradicionale me muzikën jaz). Projektet e etnojaz-it që realizoj Stafai janë shumë të rëndësishme sepse në këto performime ai ka bashkëpunuar me artist ndërkombëtar dhe kështu i kanë sjell publikut risi në performime muzikore dhe njëkohësisht ndërkombëtarët janë njoftuar me muzikën tonë tradicionale. Stafai është artist i njohur dhe më i frekuentuari si studio instrumentist. Ai njihet me virtuozitetin e tij dhe teknikën unike të performimit në instrumentet me tela.

Astriti ka pasur bashkëpunime me artist lokal, rajonal dhe internacional si: Husnu Senlendirilici, Wladiswar Nadishana, Burak Malcok, Valentina Lacmanovic, Fransona Esomba, Sashir Dlao, Mathieu Vamilleri, Faycal Salhi, Tuncay Tuncay, Ny Gypsy All Stars etj.

Ka qenë pjesë e shumë festivaleve në trojet shqiptare dhe jashtë vendit. Disa nga projektet e tij janë : Acoustic Trio, No name electro duo, Trio Ethno Flamengo, Oud spirit etj. Ai ka participuar në festivalet si : Dam Festival, Flute sounds Festival, Prishtina Jazz Festival, Krushevo internacional music Festical, Fete de la musique, Cultural exhangtes music, World Theatrical Musical, Ballkan Festival, Albanian Artistic Week, Chamber music Festival, Womex World Music Expo in Budapest, Re Musica Festival.

Astrit Stafai ka lindur në vitin 1980 në Prishtinë. Është artist i famshëm shqiptar dhe muzicient revulucionar në skenën e muzikës shqiptare. Astriti është kitarist eksperimental, virtuoz dhe multi instrumentalist. Karrieren e tij e filloi si 5 vjeçar, dhe kur mbushi 7 vite ai filloi të
performoi në piano dhe kitar, kështu më vonë si 15 vjeç ai shfaqi interesim për muzikën dhe kulturën e vendeve të ndryshme të botës. Kur ai mbushi 17 vjeç filloi të performoi me bende dhe artist të ndryshëm. Stafai studioj pedagogjinë e muzikës në Fakultetin e Arteve në Prishtinë. Studimet postdiplomike i përfundoi në Aranzhim në klasën e Prof.Valton Beqiri. Tani është ligjërues në universitetin AAB, profesor në shkollën e mesme profesionale të muzikës në Gjakovë “Prenk Jakova” dhe instrumentist në programin televiziv më të shikuar në vend “Oksigjen show”. / KultPlus.com

Shkruan: Armend Xhoni

Të ngjajshme