Autorja amerikane me librin ‘Jazz musicians around the World’ përfshihet edhe këngëtarja Vjollca Robelli Mripa

7 Dhjetor, 2017 - 11:52 am

Debbie Burke është në përgatitje të librit ‘Jazz musicians around the World”, libër i cili pritet të publikohet përgjatë vitit 2018, ku janë përfshirë shumë jazz muzicientë botërorë, shkruan KultPlus.

Në këtë libër të autores amerikane, e cila tashmë ka të publikuar dy libra për muzikën jazz, është përfshirë edhe këngëtarja shqiptare Vjollca Robelli Mripa, e cila së fundi është prezantuar me disa këngë jazz, këngë këto të cilat janë realizuar në bashkëpunim me instrumentistë ndërkombëtarë.

Vjollca Robelli Mripa ka thënë për KultPlus se ajo tashmë ka dhënë një intervistë për këtë autore, e cila është edhe kolumniste në disa jazz website, por edhe në blogje, e cila ka folur për kulturën, traditat dhe muzikën unike shqiptare.

Vjollca poashtu është shprehur të jetë e lumtur që tashmë është e përfshirë në librin e saj më të ri, që do të publikohet në vitin 2018./KultPlus.com

Të fundit

Të ngjajshme