Sonte në kuadër të promovimit të ribotimit të librit “GjurmëtLP”, ku për më tepër flitet për grupin legjendar ‘Gjurmët’ dhe rrugëtimin e tyre në ish Jugosllavi, i pranishëm ishte edhe moderatori dhe publicisti Baton Haxhiu.

Haxhiu, i pranishëm në audiencën e kësaj ngjarjeje, kur morri fjalën çmoi lart grupin në fjalë ndërsa tha se meritat e grupit janë të mëdha, shkruan KultPlus.

“Emrat si Rita Ora e Dua Lipa janë produkt i këtij grupi, produkt i asaj periudhe, gjeneratë që janë rritur duke dëgjuar këngët e këtij grupi. Dhe është e tmerrshme sepse këta emra që sot janë të famshëm janë produkte të qyteteve që më pas kanë degraduar në aspektin muzikor, si Prishtina e Mitrovica” shtoi mes tjerash Haxhiu.

Grupi ‘Gjurmët’ sonte solli prapë librin ku tregohet rrugëtimi i grupit dhe vështirësitë e sukseset e tij. Mos të harrojmë se para disa kohësh ishte vet Rita Ora ajo që e uroi grupin në rrugëtimin e tij. / KultPlus.com