Nesër mbrëma Candan Erçetin do ta hapë edicionin e këtij viti të festivalit Balkan Trafik Festival.

Këngëtarja turke me origjinë shqiptare do të ngjitet në skenë për të sjellë ritmin e saj të përzier mes Turqisë dhe Ballkanit.

Erçetin e nisi karrierën rreth viteve 80-të ndërsa në vitin 1986 ajo ishte pjesë e grupit Klips Ve Onlar – i cili e përfaqësoi Turqin në Eurovizion.

Në vitin 1995, albumi i saj “Hazirim” ishte në kryesimin e toplistave muzikore në Turqi. Në vitin 2009 ajo u bë profesoreshë në Universitetin e Galatasaray ndërsa sot njihet si një prej këngëtareve më të njohura nga Ballkani dhe me një bagazh muzikor që ka tejkaluar kufinjtë e kontinentit.

Candan do ta hapë nesër edicionin e Balkan Trafik Festival me koncertin në BOZAR – hapësira kulturore e njohur në Bruksel të Belgjikës. Koncerti fillon në ora 20:00. / KultPlus.com