Dalin në shitje biletat për Festivalin e 56-të në RTSH

13 Dhjetor, 2017 - 11:38 am

Festivalin e 56 në RTSH me befasitë, elitën e muzikës shqiptare që merr pjesë këtë vit dhe të ftuarit eminente do të mund ta ndiqni në datat 21/22 dhe 23 dhjetor.

Organizatorët e festivalit bëjnë me dije se tashmë biletat janë të disponueshme në Pallatin e Kongreseve si dhe pranë Radio Televizionit Shqiptar dhe ka nisur shitja e tyre.

Festivali i 56-të i Këngës në RTSH, që këtë vit është në drejtimin e Adi Krastes që në natën e parë do të jetë një spektakël i garantuar me pjesëmarrjen e kantautorit të shquar Riccardo Cocciante. Krijuesi i dhjetëra melodive dhe refreneve me të cilat ne jemi rritur nga Margherita e deri te muzikali “Notre Dame de Paris, prania e tij do të jetë një gur i çmuar në dorë për të shijuar muzikën me të cilën shumë shqiptarë janë formuar dhe dashuruar.

Provat e orkestrës me secilin këngëtar pjesëmarrës këtë vit në Festival që nga emrat e mëdhenj e deri tek më të rinjtë janë në proces intensiv për të qenë në nivelin e duhur vokal dhe interpretativ absolutisht live. Ashtu siç ishte premtuar nga organizatorët ky edicion do të jetë një spektakël i garantuar që nis me një personalitet të muzikës italiane dhe botërore si Riccardo Cocciante që në natën e parë ndërkohë që do të vijoje me të ftuar të tjerë të famshëm të cilët për momentin mbahen sekret nga organizatorët./ KultPlus.com

Të fundit

Të ngjajshme