Dua Lipa, në mesin e personaliteteve që kërkojnë nga qeveritë të mbrojnë dhe përkrahin gratë

8 Mars, 2019 - 12:22 pm

Në vitin 2019-të, në Ditën Ndërkombëtare të Gruas, është e tmerrshme të mendohet se në asnjë shtet të botës gratë dhe burrat nuk i gëzojnë të drejtat e barabarta.

Kështu fillon letra e 76 grave të të gjitha fushave dërguar Qeverisë së Anglisë, për të mbrojtur gratë dhe për të përkrahur ato që janë të zëshme për kauzën feministe.

Jo vetëm Qeverisë së Anglisë, por letra kërkon që të gjitha qeveritë e botës duhet të angazhohen më shumë për të mbrojtur të drejtat e grave.

“U bëjmë thirrje qeverive të besojnë në ekspertizën e organizatave që merren me të drejtat e grave, të sjellin drejtësi për ata që shtypin këto të drejta. Duhet të forcojmë ligjet që ndihmojnë gratë dhe i vendosin ato në vendin e tyre të duhur, e të denjë, barabartë me burrat dhe qeniet tjera. Gratë kudo janë duke u shtypur. Kjo duhet të stopohet tash” shkruhet mes tjerash në letrën e nënshkruar prej këtyre 76 grave.

Emma Watson, Keira Knightley, Emma Thompson, Dua Lipa, Chimamanda Ngozi Adichie, Wunmi Mosaku, Sarah Solemani, Felicity Jones janë në mesin e emrave që e kanë nënshkruar këtë letër. / KultPlus.com

Të ngjajshme