“Engjujt nuk jetojnë në tokë’’ nga legjenda e muzikës shqiptare, grupi 403, është një këngë që ia vlen të kujtohet e të mbahet mend për një kohë shumë të gjatë.

Një tekst i mahnitshëm për një dashuri të humbur, “Engjujt nuk jetojnë në tokë’’vjen me një melodi të qetë dhe tinguj që depërtojnë tek publiku dhe zemrat e tyre të mbushura me kujtime që ngjasojnë me atë të tekstit në këngë.

“403” është një grup i njohur muzikor që këndon muzikë rock. Grupi 403 është pjesë e gjeneratës së Rockut Kosovar të viteve 80’, e cila njihet edhe si koha më e ndritur në krijimtarinë e rokut në Kosovë.

Grupi 403 u formua në vitin 1981 nga Mentor Gjurgjiali (bas), Fatmir Zajmi (bateri) dhe Naim Osmani (kitarë). Bendit më vonë, pas kryerjes së shërbimit ushtarak, i bashkohet Hektor Gjurgjiali (vokal dhe kitarë), Arben Godanca (kitarë) dhe Veton Orana (sint).

Bashkangjitur gjeni tekstin dhe videon e këngës.

Erdhën disa engjuj t’bukur, dukeshin si ti

Më merrni mua, u thashë, ishte e kotë

Një yll më shumë në Qiell,

Një plagë më shumë në Tokë

Të morën, ikën, dhe shkuan në atë botë

E di se të humba, më dhemb, nuk do të qaj

Unë do t’këndoj për ty

Të kërkoj, nuk të shoh, qielli më thotë:

“Engjujt nuk jetojnë në tokë”

Mendoja se bricjapi dhe demi

Do të jenë çift ideal si në horoskop

Por, jeta nuk vazhdon gjithmonë në yje

Do t’vijë koha që të zbresi dhe në tokë

Pastaj si do t’ja bëj,

Si do t’ja bëj kur nuk je ti

Natës i frikohem, por nata më gëzon

Të shof, në qiell, për mua ti ndriçon

O engjulli im

Më thuaj, kur prapë do të takoj

Dua të vdes, por qielli nuk më merr

Lutem për ty, por ai nuk të kthen

Qiellit i takon

E di, engjujt nuk jetojnë në tokë.

Muzika, teksti dhe orkestrimi: Hektor Gjurgjiali. / KultPlus.com