Këngëtarja kosovare Filloreta Raçi – FIFI , ka kënduar në Top Show në Shqipëri versionin e saj të këngës fituese të Eurovizionit për këtë vit.

Kënga “Toy” po merr vëmendjen e duhur edhe nga shqiptarët dhe FIFI e solli në një mënyrë të veçantë në emisionin e njohur shqiptar, këngën e kënduar nga izraelitja Netta Barzilai.

“Toy” është shndërruar tanimë në një hit dhe pritet që vera e këtij viti të jetë e Nettës dhe krijimit me të cilin ajo fitoi zemrat e evropianëve dhe fitoi Eurovizionin duke përfaqësuar shtetin e saj.

Ky është interpretimi i Fifit me këngën ‘Toy’ nga Netta. / KultPlus.com