Fituesi i Eurovizionit të këtij viti, këngëtari Salvador Sobral, po vazhdon të jetë në gjendje kritike.

Këngëtari momentalisht po jeton me një zemër artificiale, siç shkruan El Pais, derisa të sigurohet një zemër nga Shtetet e Bashkuara të Amerikës për të ndodhur transplantimi.

Zemra e tanishme i mundëson atij një qarkullim normal të gjakut dhe kësisoj ai mund të mbijetojë për një kohë të gjatë, shkruan KultPlus.

E tërë Portugalia është në ethe për djalin e ri i cili është kthyer në një hit shtetëror pasi i solli Portugalisë të parën fitore në Eurovizion. / KultPlus.com