I jepet lamtumira e fundit Valton Berishës, kitaristit të grupit ‘Purgatory’

6 Mars, 2021 - 4:02 pm

Sot, në Pejë iu dha lamtumira e fundit kitaristit të grupit ‘Purgatory’, Valton Berisha.

Valtoni ishte njeri që mblidhte rreth vetës njerëz të mirë e me vullnet të mirë, këtë e dëshmoi edhe sot, ku përveç anëtarëve të bendit të tij Enis Potoku, Driton Ajeti dhe Fatmir Gashi, Valtoni i bashkoi shumë shokë e miq edhe pse në pandemi.

Nga Zvicra kishin ardhur edhe shumë miq të tij dhe së bashku me familjarët vunë mbi varr një kurorë në formë kitare.

Tingujt e kitarës së tij do jehojnë përherë mes artdashësve dhe kudo që festohet me hare e gëzim, sepse e tillë ishte mënyra e të jetuarit të tij.

Valton Berisha ka ndërruar jetë dy javë më parë në SHBA, ndërsa sot është varrosur në vendlindjen e tij në Kliçinë.

Valton Berisha la pas vetes gruan dhe djalin e vajzën, të cilët sot i dhanë lamtumirën e fundit duke vënë lule e kurora mbi varrin e tij dhe në mënyrë simbolike lëshuan të lirë një pëllumb të bardhë. /gazetaexpress/ KultPlus.com

Të ngjajshme