Kalush Orchestra publikon videoklipin luftarak pak ditë pas fitores në Eurovision

19 Maj, 2022 - 7:00 pm

Grupi ukrainas Kalush Orchestra, i freskët nga fitorja e tij në Eurovision, publikoi të dielën (15 maj) një video të re muzikore të hitit të saj fitues “Stefania” që përmban skena të Ukrainës së shkatërruar nga lufta dhe gra në veshje luftarake.

“Kjo është mënyra se si ne i shohim sot nënat ukrainase”, tha frontmeni i Kalush, Oleh Psiuk për videon, e cila tashmë kambledhur miliona shikime brenda disa ditësh që nga publikimi i saj. “Ne jemi përpjekur të japim mesazhin se si duket Ukraina sot”.

Videoja u publikua disa orë pasi Kalush Orchestra i solli Ukrainës fitoren e saj të tretë në Eurovision. Fitorja nxiti shpirtrat ukrainas dhe përfaqësoi një afirmim të fortë të kulturës ukrainase, për të cilën Psiuk tha se ishte “nën sulm” nga pushtimi i Rusisë.

“Një herë ia kam kushtuar këtë këngë nënës sime dhe kur shpërtheu lufta, kënga mori shumë kuptime të reja. Edhe pse në këngë nuk flitet asnjë fjalë për luftën, shumë njerëz filluan ta lidhin këngën me nënën Ukrainë. Për më tepër, shoqëria filloi ta quante himni i luftës sonë! Por nëse Stefania është tani himni i luftës sonë, do të doja që të bëhej himni i fitores sonë”, thuhet në përshkrimin e videos së publikuar në YouTube, transmeton Klankosova./ KultPlus.com

Të fundit

Të ngjajshme