Këngëtari Shpat Deda nuk do të jetë pjesë e SunnyHill Festival.

Këngëtari e kishte konfirmuar pjesëmarrjen e tij në koncertin që do të mbahet edhe pak ditë në Prishtinë, por duket sikur diçka tjetër ka ndodhur.

“Për shkak të një mosmarrveshjeje me menaxhmentin e Sunny Hill Festival unë nuk do të jem pjesë e këtij festivali. Shihemi në koncertet e mia të radhës” ka shkruar Shpati në rrjete sociale.

Shpati ishte planifikuar të ishte pjesë e koncertit krahas yjeve si Dua Lipa, Action Bronson e Martin Garrix, dhe krahas emrave tjerë të muzikës shqiptare.

I pyetur nga KultPlus për më shumë arsye, Deda nuk ka dashur të zbulojë asgjë më shumë se faktit që ka pase një mosmarrëveshje.

Sunny Hill Festival do të mbahet me 10-11-12 gusht në Parkun e Gërmisë në Prishtinë, me artistë të njohur nga Kosova, Shqipëria dhe me artistë të kërkuar në skenën botërore. / KultPlus.com