займ на карту онлайн потребительский кредит

Këngëtarja shqiptare vlerësohet në Varshavë

16 Nëntor, 2019 - 9:26 am

Këngëtarja nga Kosova, Vesa Smolica, ka performuar në Varshavë të Polonisë, ku ka qenë e ftuar speciale në evenimentin e organizuar nga shoqata “From the Depths”. Evenimenti është organizuar për t’i nderuar ata që i strehuan dhe shpëtuan hebrenjtë gjatë Luftës së Dytë Botërore, në mesin e të cilëve nuk bëjnë përjashtim shqiptarët.

Shoqata polake i ka bashkuar dhjetëra persona që ndihmuan dhe shpëtuan hebrenjtë përfshirë ata nga Polonia, Bjellorusia dhe Shqipëria.

“Në Varshavë të Polonisë. Ishte kënaqësi dhe nder për mua të performoj në evenimentin për nder të atyre që strehuan dhe ndihmuan hebrenjtë gjatë Luftës së Dytë Botërore organizuar nga shoqata ‘From The Depths’”, ka shkruar këngëtarja në një postim në Instagram. Në videon e publikuar, Vesa shfaqet duke interpretuar hitin e madh, “Hallelujah”, të Leonard Cohen. /KultPlus.com

Të ngjajshme