Tash e tri ditë në kryeqytetin e Kosovës, po mbahet edicioni i parë i festivalit më të madh të muzikës Sunny Hill Festival, shkruan KultPlus.

Ky event përveç që mblodhi rreth vetës zërat më të kërkuar botërorë si Dua Lipa, Action Bronson e DJ Martin Garix, ai ka dërguar në parkun e Gërmisë edhe figura të ndryshme politike.

Ndër ta është edhe i pari i Prishtinës Shpend Ahmeti, njëherësh edhe mbështetës i madh i këtij festivali. Ai përveç që lëshoi parkun e Gërmisë për këtë festival duke bllokuar tërësisht hyrjen për qytetarët që nuk duan të jenë pjesë e festivalit, këtij të fundit i dha edhe mbështetje materiale.

Po sjellim një fotografi të kryetarit të Komunës së Prishtinës Shpend Ahmeti, i cili feston përkrah Dua Lipës.

Fotografia është realizuar mbrëmë aty ku skena ishte rezervuar për emrat si Action Bronson, G4shi, e emra të tjerë të muzikës vendore./ KultPlus.com