Kori Siparantum do të përformojë sonte në Tetovë

13 Prill, 2019 - 2:15 pm


Kori i suksesshëm nga Peja, Siparantum do të përformojë sonte për herë të parë në festivalin prestigjioz “Skena e Re e Muzikës Serioze Shqiptare”  në Tetovë, shkruan KultPlus.

Koncerti do të mbahet sonte duke filluar nga ora 19:30 në Qendrën për Kulturë në Tetovë. Në këtë koncert me piano do të interpretojë Agron Shujaku dhe dirigjent do të jetë Memli Kelmendi.

Kori Siparantum ka përformuar me sukses disa vepra korale të kompozitorëve të njohur si: Bach, Mozart, Eric Whitacre, Presiner, Jake Runestad etj, përvjellë nga koreografi atraktive.

Me një repertor shumë të pasur të muzikës tradicionale, klasike, moderne dhe sakrale, me guxim të madh në përzgjedhjen e veprave vokale dhe orkestrës profesionale, kori Siparantum vlerësohet lartë nga muzikantë vendor e ndërkombëtar si dhe kritika muzikore. /KultPlus.com

Të ngjajshme