KultFest5 këtë vit zbarkon tek Pishat në Bukosh

26 Prill, 2018 - 11:00 am

Është viti i pestë me radhë që Organizata Jo Qeveritare “Kult Studio”, në bashkëpunim me MorenaGroup dhe Retro bar, organizojnë eventin “KultFest”, në qytetin e Vushtrrisë, shkruan KultPlus.

“Me muzikë, pije, ushqim, shoqni e ajër të pastër”, manifestohet ky organizim i “KULT FEST5” i cili këtë vit do të zë vend tek Pishat.

Aktiviteti, I cili do të mbahet më datë 1 Maj, synon të mbledh në një vend njerëz që e pëlqejnë shoqërinë, muzikën, pijet dhe ushqimin në ambient të jashtëm. Qëllimi I këtij aktiviteti është promovimi I vendeve rekreative dhe atraktive të qytetit, bizneset dhe prodhuesit vendor. Kështu, organizatorët përgjatë këtyre viteve janë përkujdesur që “Kultfest” të zë vend nëpër lokacione të
ndryshme.

“Pishat” ofrojnë hapësirë të mjaftueshme për akomodimin e një numri të konsiderueshëm të pjesëmarrësve, ndërsa organizatorët janë përkujdesur për sigurimin e transportit nga qyteti deri në lokacionin në fjalë, I cili gjendet 4 km nga qendra e qytetit të Vushtrrisë.

gjithë eventi do të shoqërohet me muzikë të përzgjedhur nga DJ të ndryshëm dhe performanca nga artistë të njohur dhe në rritje, përfshirë këtu edhe reperin BUTA.

Eventi pritet të filloj nga ora 10:00 dhe do të zgjasë deri në orën 20:00 përgjatë kësaj kohe./ KultPlus.com

Të fundit

Të ngjajshme